இறுதி நிலை

இறுதி நிலை - சொல்லின் ஈற்றில் நிற்கும் எழுத்துகள்

எகரம் ஒழிந்த பதினோருயிர்களும், ஞ், ண், ந், ம், ன், ய், ர், ல், வ், ழ், ள், என்னும் பதினோரு மெய்களுமாகிய இருபத்திரண்டெழுத்துகளும், மொழிக்கிறுதியில் நிற்கும் எழுத்துகளாம்.

எ-டு.
விள,    பலா,     கிளி,    தீ,

கடு,       பூ,       சே,     கை,    நொ, 

போ,    வெள,   உரிஞ்,   மண்,

வெரிந்,  மரம்,   பொன்,  காய்,

வேர்,    வேல்,    தெவ்,  யாழ்,   வாள்.

இதனால், எந்த வல்லின மெய்யும், மொழிக்கு இறுதியில் நிற்காது என்பதை உணர்க.

அசோக், கிரீச், பிசரட், பிரசாந்த், பிரதாப் என்பன போன்றவை தமிழாகா என்றறிக.

இவற்றைப் பலுக்கிப் பார்த்து இவை விலக்கப்பட்டமை ஏன் என்றும் உணர்க.